| |
|
[最新消息]
法定最低工資於2011年5月1日實施，勞工處宣佈為現職殘疾僱員提供「過渡性安排」。推行法定最低工資的原意是設訂工資下限，保障基層僱員。 法例對5月1日前或後入職的殘疾人士都會有影響。 勞工處提供資料：
有疑問？ 相信大家對最低工資條例還有很多疑問，我們正計劃相關活動，解答疑問，最新消息請留意網頁或向就業服務中心查詢。或將你的問題/想法交給我們，歡迎你聯絡就業服務中心社工。 |
|
2011年5月1日前入職
殘疾僱員的過渡性安排
誰需要這個過渡性的安排？
如果你是：
1.殘疾人士(必須持有殘疾人士登記證)及
2.在5月1日前已入職及；
3.而且現時每小時的工資少於28元；
為了使你更易明白「過渡性安排」，我們以兩位會員的對答解釋。
“過渡性安排Q & A”
| 發： 芝： |
阿芝，你知唔知香港在五月一日開始實行法定最低工資？知唔知對我地聽障人士有冇影響？ 我知道，法定最低工資會定在每小時的工資28元，你現時有冇工作呀？現時你每小時工資夠唔夠28元？ |
| 發： 芝： |
我現在人工唔夠28元一個小時。 咁你要留意啦，現職殘疾僱員如果每小時平均工資少於28元，勞工處宣佈會有「過渡性安排」。 |
| 發： 芝： |
即係至少有＄28元時薪？ 係呀，如果你想的話，咁就什麼都不用做，只要等在5月1日或之後，你的老闆必須根據《最低工資條例》出糧比你，到時你的時薪不可以少於28元。這是第一種情況。 |
| 發： 芝： |
第二種情況係咪如果我想在5月1日或之後收少過法定最低工資的人工？ 冇錯，如果你想在5月1日或之後，收取低於法定最低工資，即係少過＄28元時薪的人工，你要同你的僱主一齊簽署一份勞工處的「過渡性安排」選擇表格，在表格上會寫上你現時每小時的工資是多少。你在簽署之前，要留意人工金額是否正確，但你要記住簽唔簽選擇表格係你話事。冇簽過呢份「過渡性安排」選擇表格嘅，5月1日之後，老闆就一定要跟最低工資出糧比你，5月1日之後簽就無效。 |
| 發： 芝： |
係咪簽名咁簡單？ 唔係呀，你如果簽咗「過渡性安排」選擇表格，即係代表你願意將來做一個「生產力評估」，這個評估由你自己在「評估員名冊」中選擇的評估員負責，到你的工作地點做呀。如果你而家嘅人工平均時薪係24元，假設評估結果係八成，咁你評估後每小時人工會係最低工資打八折：28元x 0.8=22元4角，可能會少過而家嘅人工。當然，如果評估咗你有九成生產力，人工就會有九折：28元x 0.9 = 25元2角，就會高過而家嘅人工。明唔明？ |
| 發： 芝： |
吓？即係評估到有幾多成，我就收幾多成人工？咁要幾時做好「生產力評估」？ 咁又唔需要怕，因為在「過渡性安排」中，評估冇限定幾時做，直至唔打現在份工，任何時間做都得，記住呀，幾時做評估係由你話事，僱主或老闆都唔可以迫你。而一日未做評估，都會根據你在選擇表格上填寫的人工金額出糧比你。 |
| 發： 芝： |
哦，明白了。但如果我，或我老闆唔同意評估結果呢？ 勞工處話冇得再評估，又唔可以上訴。如果你或老闆不同意，即其中一方不簽署和同意評估結果，咁你在評估完第二日就應該收取不少於法定最低工資。咁你會點選擇呢？ |
| 發： 芝： |
我未知，考慮下先，想再睇下資料。 咁要快啲啦，因為如果你想簽「過渡性安排」選擇表格，就要在4月30日或前聯同你僱主完成，記住要有殘疾人士登記證先可以做。你如果想要多喲資料，可以向聾福各服務中心的職員查詢 |
勞工處提供資料：
生產能力評估
最低工資簡介
勞工處網頁
勞工處查詢：電話：2717 1771
傳真：3101 0414
電郵：enquiry@labour.gov.hk (一般在五個工作天之內回應)
郵寄：香港中環統一碼頭道38號海港政府大樓1樓
法定最低工資科
有疑問？ 相信大家對最低工資條例還有很多疑問，我們正計劃相關活動，解答疑問，最新消息請留意網頁或向就業服務中心查詢。或將你的問題/想法交給我們，歡迎你聯絡就業服務中心社工。下載查詢表格
［返回頁頂 >>］
正在求職或在5月1日或後入職的殘疾人士安排
如果你是在5月1日或後入職的殘疾人士，有權選擇接受或不接受生產力評估。若選擇不接受生產力評估，則必須收取不少於法定最低工資的時薪。
若選擇接受生產力評估，需在入職前和僱主協議一個為期4周的試工期，直至完成評估為止。試工期間工資不可少於法定最低工資的50%。
你若要選擇接受生產力評估，你必須要有效殘疾人士登記證，而提出評估是你的權利，不是由歸於僱主。這個評估是由你自己在勞工處公佈的「評估員名冊」中選擇的評估員負責，到你的工作地點做。如果試工期間工資平均時薪是24元，假設評估結果得八成，即評估後每小時人工會是最低工資的八折：28元x 0.8=22元4角。如果評估你有九成生產力，人工就會有九折：28元x 0.9 = 25元2角，如此類推。評估費用由政府支付。
在同一份工(指同一個職位，轉新職位可再評估)只可評估一次，勞工處表示評估現時不設上訴。如果你或僱主不同意，即其中一方不簽署和同意評估結果，在評估完第二日你就應該收取不少於法定最低工資
如你沒有選擇進行生產能力評估，僱主便須按《條例》的規定，支付給工資不得低於法定最低工資給你。
以下三位聽障朋友的談話再為大家分享資訊。
阿發：發(已於5月1日前入職)阿芝：芝
阿安：安(正在搵工)
| 芝： 發： |
阿發，上次你話要諗簽唔簽「過渡性安排」選擇表格，你決定咗未？ 我都未想得好清楚，不過冇簽到。 |
| 芝： 發： |
如果你冇簽，即係唔選擇生產能力評估，你在5月1日之後的人工必須唔少過最低工資28元一個小時的水平。 我知道，如果唔夠，僱主或老闆仲要補番差額比我。 |
| 安： 發： |
阿芝、阿發你好！我都收到一份「過渡性安排」選擇表，好似有「殘疾人士登記症」的朋友都會收到一份。 係呀，咁你點揀？ |
| 安： 芝： |
我正搵工，所以唔駛揀。最近見咗份工，等緊消息，我有點擔心未必會請我，你話做唔做評估好呢？ 如果你揀接受評估，人工可能會低過28元一小時，同埋你要同僱主講話想做評估。 |
| 安： 芝： |
如果揀接受評估，即係表示我的人工有機會低過最低工資……如果僱主叫我做評估先肯請我，咁又點？ 噢！僱主係唔可以迫你去做評估，評估一定要你自願。 |
| 安： 芝： |
咁如果我自願做評估，要安排幾耐？如果僱主等人用，會唔會覺得好煩？ 哦!你可以先上工，之後先至做評估。做評估之前係試工期，但唔可以長過四星期，你要在試工期間內接受評估，是你自己在勞工處認可的「評估員名冊」揀一位評估員幫你做，評估費用由政府支付。 |
| 安： 芝： |
咁未做評估之前，我的人工點計呀? 你要同僱主商量好試工期間的人工，可以低過最低工資，但係唔可以少於法定最低工資的一半，即係唔可以少過14元一小時！ |
| 安： 芝： |
我知道我之後的人工會根據評估結果計算，好似假設評估結果是八成，即表示僱主會根據合約所訂的人工，再乘以80%支付人工。如合約訂明是$8,000，乘以80%即8000元x 0.8=6,400元。其實我真係要想清楚先可以決定! 咁你當然有權利收取唔低於最低工資的人工啦！記住你係有權選擇做唔做評估，同埋搵名冊中邊一個的評估員幫你做評估的。話時話，最低工資都係新法例，如果你發現僱主有不合理的要求，或者對你和其他員工有唔公平的情況，就要留意啦！ |
| 發： 芝： |
咁我都要留意啦！ 有問題可以聯絡勞工處，電話2717 1771, 傳真：2544 3271或電郵: enquiry@labour.gov.hk 你可以向勞工處查詢，並且小心記錄你遇到的情況。 |
勞工處提供資料：
生產能力評估
最低工資簡介
勞工處網頁
勞工處查詢：電話：2717 1771
傳真：3101 0414
電郵：enquiry@labour.gov.hk (一般在五個工作天之內回應)
郵寄：香港中環統一碼頭道38號海港政府大樓1樓
法定最低工資科
有疑問？ 相信大家對最低工資條例還有很多疑問，我們正計劃相關活動，解答疑問，最新消息請留意網頁或向就業服務中心查詢。或將你的問題/想法交給我們，歡迎你聯絡就業服務中心社工。下載查詢表格
［返回頁頂 >>］
  |
